واحد من كل 6 رجال تقريبًا ممكن يواجه مشكلة في العلاقة الزوجية في بداية الجواز، وده ممكن يسبب قلق وتوتر كبير للزوجين والموضوع ساعات بيكبر ويستمر لشهور او سنين وممكن يعمل شرخ في العلاقه والطلاق احيانا.
في البوست ده هنتكلم بشكل علمي مفصل عن ضعف شهر العسل، وأسبابه، وإزاي نعرف إذا كانت المشكلة نفسية ولا عضوية، وإيه الحلول المتاحة حسب كل حالة.
🔹يعني إيه ضعف شهر العسلhoneymoon impotence ؟
ضعف شهر العسل هو تعبير بنستخدمه لوصف صعوبة إتمام العلاقة الزوجية في بداية الجواز، سواء بسبب صعوبة حدوث الانتصاب أو الحفاظ عليه، أو بسبب صعوبة إتمام العلاقة بين الزوجين.
والمشكلة دي ممكن تحصل لأكتر من سبب، وأهمهم:
1- التوتر والخوف من أول تجربة performance anxiety
2- وجود مشكلة عضوية عند الرجل زي اعوجاج العضو الذكري اللي بيعيق العلاقه ويسبب الم لاحد الطرفين او قصور الشرايين و التسريب الوريدي اللي ليهم اسباب كتيره منها
- مرض السكر
- التدخين
- ارتفاع نسبة الدهون في الدم
- اضطرابات هرمونات الجسم، ومنها هرمون الذكورة
- بعض المشكلات اللي بتأثر على الأوعية الدموية أو الأعصاب
- وبعد الاحيان بيكون الموضوع خلقي من دون سبب واسمه 1ry venous leakage ( تسريب وريدي خلقي)
3- وجود مشكلة عند الزوجة زي التشنج المهبلي واللي ساعات من كتر تشنج العضلات بيمنع دخول العضو الذكري بالكامل وبعض الاحيان يؤدي الي ارتخاءه
وفي الحالة دي، التعامل مع المشكلة بيحتاج فهم أسبابها، وطمأنة الزوجة، والاستعانة بالطبيب المتخصص لو لزم الأمر، من غير ضغط أو إجبار على إتمام العلاقة.
🔹إمتى تقلق وتروح للدكتور؟
خلينا نتفق على نقطة مهمة إن لو حصلت صعوبة في العلاقة في أول مرة أو أول كام محاولة، فـ ده مش معناه بالضرورة إن فيه مشكلة مرضية.
التوتر، والإرهاق، والخوف من التجربة الجديدة، كل دي عوامل ممكن تأثر على العلاقة في البداية!
لكن لو المشكلة بتتكرر، أو بتسبب ضغط نفسي كبير، أو فيه صعوبة مستمرة في الانتصاب، فالأفضل تستشير دكتور متخصص بدل ما تفضل قلقان أو تجرب علاجات من نفسك.
التشخيص الصح بيبدأ من معرفة السبب، مش من استخدام أي دوا وخلاص.
🔹الدكتور بيشخص المشكلة إزاي؟
بيكون ضروري كأولويه تحديد المشكله عضويه ام نفسيه و هل هي عند الرجل ام الزوجه ودا بيظهر عن طريق :
1- معرفة تفاصيل المشكلة
2- الفحص الطبي
3- التحاليل اللي ممكن توضحلنا نقص هرمون الذكوره او السكر او الدهون
4- الدوبلر على العضو الذكري واللي في قمه الاهميه للتفرقه بين الجانب العضوي والجانب النفسي وهل المشكله من الزوج ام من الزوجه
🔹إيه علاج ضعف شهر العسل؟
العلاج مضمون ١٠٠٪ ولايوجد داعي انه يؤثر علي العلاقه بين الزوجين وبيختلف من شخص للتاني حسب السبب، وعلشان كده مفيش دوا واحد مناسب لكل الحالات.
يعني لو المشكله من الزوجه فالاساس هو علاج التشنج المهبلي حسب درجته لو درجه بسيطه بيكون الحل في استخذام مزلق وتوجيه صحيح للعضو مع فتح الشفرتين وطمأنه الزوجه انه لن يكمل ولن يؤلمها واستخدام بعض المهدئات ان لزم الامر
وفي الحالات المتقدمه بتكون مع المتابعه مع الزملاء المتخصصين باستخذام الموسعات او حقن بوتكس
اما لو المشكله من الرجل فيختلف العلاج حسب هو جانب نفسي ام عضوي ولو عضوي هل بدرجه بسيطه ام شديده
لو حانب نفسي او عضوي بسيط فبيكون العلاج دوائي بالاساس مع امكانيه استخدام الحقن الموضعي كوسيله علاجيه مؤقته لحين زوال التوتر
🔹هل ممكن المشكلة توصل لعملية جراحية؟
أيوه، لكن ده مش شائع في حالات ضعف شهر العسل الناتجة عن التوتر، ومش أول خطوة في العلاج.
لأن التدخل الجراحي بيتحدد حسب وجود مشكلة عضوية واضحة، ومن الخيارات اللي ممكن تتناقش في حالات معينة زي:
- إصلاح اعوجاج العضو الذكري : ودا لو الاعوجاج كبير بشكل ملحوظ اكتر من ٣٠ درجه وبيمثل عائق كبير والم عند محاوله اصلاحه او الدخول
- زراعة دعامة العضو الذكري : ودا لو درجه ضعف شديده لاتستجيب للعلاج باي شكل واللي في الاغلب بتكون بسبب التسريب الوريدي الخلقي
🔹هل اقدر اتفادي مشكلة ضعف شهر العسل؟
اه ، لو عندك اشتباه في اعوجاج او تسريب وريدي خلقي او لو عندك امراض مزمنه زي السكر فضروري تكشف قبل الجواز وتطمن مع استشاري الذكوره المتخصص
ولو طلع فيه مشكله تتعالج قبل الجواز
ولو طلع مفيش مشكله فضروري تبقي فاهم وجاهز وهادي وانت اللي توجه شريكتك بشكل صحيح وتحتويها
بداية الجواز المفروض تكون بداية لحياة مشتركة، مش مصدر للخوف والضغط النفسي.
علشان كده لو واجهتك مشكلة في العلاقة، متستعجلش في الحكم على نفسك، ومتخليش القلق يزود المشكلة، وفي نفس الوقت متتجاهلش الأعراض لو بتتكرر أو مستمرة.
ولو عايز تفهم الموضوع بشكل أعمق، تقدر تتابع أول حلقة من حلقات “قعدة رجالة”، اللي اتكلمنا فيها عن ضعف شهر العسل وأسبابه وطرق التعامل معاه. 👌🏻
ولو عجبكم كتابه مقالات علميه مطوله بالشكل دا قولولنا في الكومنتات وهنعملها كل اسبوع
🔸د. عمر عزازي
مدرس واستشاري جراحات الذكورة بالقصر العيني
▫للحجز والاستفسار
📞01098151842
العناوين:
📍المعادي
📍المهندسين
